Plantun de Prouvènço

Pèr coumpara dos planto d'encò nostre

Juncus hybridus & Thymus polytrichus

Juncus hybridus

Juncaceae

Nom en français : Jonc hybride.

Descripcioun :
Lou jounc-bastard douno d'èr au coumun jounc-petit. Coume éu es uno planto de l'an, se n'en destrìo pamens qu'èi mai fort e subretout que si flour soun groupado pèr 2 à 6 coume uno meno de penche o de ventau (fotò). Trachis dins li tepiero pèr cop umido, subretout proche de mar, mai se pòu trouba mai dins li terro. Soun partisoun èi pas bèn couneigu .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 8 à 30 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Juncus
Famiho : Juncaceae

Ordre : Poales

Coulour de la flour : Verdo
Petalo : 6
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 50 m
Aparado : Noun

Liò : Prado umido - Mar
Estànci : Termoumediterran à Mesoumediterran
Couroulougi : Pancaro entresigna
Ref. sc. : Juncus hybridus Brot., 1804

Ferigouleto(-bourrihudo)

Thymus polytrichus

Lamiaceae Labiaceae

Àutri noum : Farigouleto, Serpoulet, Badassoun, Menudet.

Nom en français : Thym à pilosité variable.

Descripcioun :
Aquesto ferigouleto se retrobo dins li pelouso e roucaio de mountagno mounte èi pas raro. Jamai eisado à destria d'un biais segur, fau bèn regarda la cambo, carrado emé de péu tout à l'entour (e pas soulamen sus 2 coustat o li caire), li fueio, emé de costo segoundàri que viron sus li bord, e de sepalo pelouso. Apoundèn que la planto crèis d'un biais monopoudique, emé uno longo tijo acabado pèr un tros bèn rama (vèire li fotò). Pensa de coumpara emé lis àutri ferigouleto de mountagno.

Usanço :
La ferigouleto-bourrihudo a à pau près li mémi prouprieta qu'aquéli de la ferigoulo estènt quand meme mens forto.

Port : Pichoto planto lignouso
Taio : 2 à 10 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 3 à 4 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Jun à avoust

Liò : Pelouso - Roucaio
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Thymus polytrichus A.Kern. ex Borbás, 1890 (= Thymus praecox subsp. polytrichus (A.Kern. ex Borbás) Jalás, 1970 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Juncus hybridus & Thymus polytrichus

Coumpara Jounc(-bastard) emé uno autro planto

Coumpara Ferigouleto(-bourrihudo) emé uno autro planto